Еспањол останува без голман, гигантите нудат 25 милиони евра

Еден од најбараните голмани во моментот во Европа е младиот голман на Еспањол, Хоан Гарсија.

Станува збор за момче кое фантастично бранеше оваа сезона, Еспањол речиси и математички го обезбеди опстанокот во Ла Лига и заради тоа веќе можат да започнат преговори околу неговата иднина.

Новинарите во Шпанија најавија дека постојат понуди од Англија, Германија и Шпанија, но дека ниту една понуда не е од Реал Мадрид.

Сѐ уште се чека вистинската одлука, а Гарсија сигурно го напушта Еспањол, како што беше наведено на порталот „Мундо Депортиво“.

Гарсија има 23 години, договорот со Еспањол му е до 2028 година, но откупната клаузула е 25 милиони евра што многумина сакаат да ја платат.