Една од ретките добри зделки на Манчестер јунајтед – Челзи ќе плати за Санчо дури и ако не сака да го откупи!

Кога Челзи во текот на летото ги договори условите за позајмица на фудбалерот на Манчестер Јунајтед Џејдон Санчо, се обврза на нова трансакција на крајот од сегашната сезона. Пред Сините е исплата на сметката на клубот од Олд Трафорд, без разлика дали сака да го задржи Англичанецот или не…

Доколку Челзи навистина се откаже од „обврзното“ купување, ќе мора да му плати на Манчестер Јунајтед пет милиони фунти. Британските медиуми тврдат дека Челзи секако ќе го купи Санчо, и покрај разочарувачките партии што ги прикажува изминатите месеци.

Фудбалерот кој наскоро ќе наполни 25 години пристигна на Олд Трафорд во 2021 година како еден од најголемите светски таленти во трансфер вреден 85 милиони евра.

Санчо поради конфликт со претходниот менаџер Ерик Тен Хаг во септември 2023 година беше отстранет од тимот на Манчестер Јунајтед.

Англичанецот оваа сезона во синиот дрес одигра 23 натпревари во Премиер лигата, од кои на 16 беше стартер. Постигна два гола и запиша четири асистенции, повремено покажувајќи дел од поранешните сјајни партии во Борусија Дортмунд.

Тоа од почетокот на зимата не е случај – Санчо се мачи да позитивно влијае на играта на Челзи и да создава шанси за соиграчите. Џејдон не запиша ни гол ни асистенција од 4 јануари, а статусот на стартер го задржува само благодарение на повредата на Нони Мадуеке.

Сините се наоѓаат на четвртото место на табелата во Премиер лигата со 49 бодови, додека лидерот Ливерпул има 70.