Eден од најдобрите ракометари на сите времиња најави пензионирање

Легендарниот Никола Карабатиќ кој го носи дресот на Пари Сен Жермен размислува да стави крај на неговата голема кариера.

38-годишниот ракометар со балкански корени дресот на ПСЖ го носи од 2015 година. Кариерата ја започна во Монпелје, а беше дел од Кил и Барселона.

Во изјава за француските медиуми најави дека одлуката за дали ќе продолжи ќе ја донесе многу брзо.

„Конечната одлука ќе ја донесам многу брзо. Клубот ќе биде известен на време за да може да најде замена“, изјави Никола Карабатиќ.

Ако ваквата најава на Карабатиќ се исполни тогаш тоа значи дека тој нема да го предводи националниот тим на Летните Олимписки Игри во Париз 2024 година. Во својата кариера Карабатиќ постигна 1.238 гола на 324 натпревари.