Како што сезоната одминува, сè е поизвесно дека српскиот голгетер Душан Влаховиќ на лето ќе го напушти Јувентус, а денешните изданија на најреномираните весници во Италија и Шпанија јасно укажуваат дека Њукасл и Барселона се во овој момент најблиску до потпишувње на договор со репрезентативецот на Србија.
И додека поголемиот дел од тековната сезона беше мрачен за некогашниот фудбалер на Фиорентина и Партизан, крајот на март навести подобрување за Влаховиќ на клупски и репрезентативен план.
ВАР во македонскиот фудбал – Разговор со Дејан Јакимовски | Уште еден поткаст
Најпрво, голот против Австрија во реванш натпреварот од плејофот за останување во Лигата на нациите покажа дека Тиаго Мота погрешил што не му дал шанса, а веќе првиот натпревар на Игор Тудор на клупата на Јувентус беше навестување за подобро време за Србите.
Оваа комбинација на околности е сè уште недоволна за да се забрза решението на статусот на играчот кој на 1 јули ќе влезе во последната година од договорот со Јувентус, па е многу поверојатно дека на лето ќе ја промени средината.
Италијанските медиуми пренесуваат дека Јувентус до последен момент ќе го следи состојбата на пазарот во однос на Влаховиќ, а денешното издание на „Газета спорт“ пренесува дека Њукасл сериозно се заинтересирал да го купи.
Учество во игри на среќа е дозволено за лица со 18+ години. Играј одговорно!