Дончиќ залудно доминираше – Лејкерси паднаа на домашен терен (Видео)

Кошаркарите на Лос Анџелес Лејкерси беа поразени на својот терен, на стартот на НБА лигата, иако Лука Дончиќ имаше доминантен настап.

Голден Стејт Вориорси ги совладаа Лејкерси со резултат 119:109 во еден од првите два натпревари на новата сезона на НБА лигата.

Дончиќ беше извонреден, практично незапирлив, а натпреварот го заврши со 43 поени (17/27), 12 скокови, девет асистенции, две украдени и три загубени топки, со блокада.

Првото полувреме од овој натпревар беше турбулентно, бидејќи гостите први ја добија двоцифрената предност и водеа практично сите 24 минути, но на крајот дојде до изедначување (54:55).

Ова им даде надеж на навивачите на Лејкерси, но потоа следуваше традиционално фуриозна трета четвртина на Вориорси во која имаа и +15, а пред последните 12 минути водеа со 90:79.

Во 4/4 екипата од “градот на ангелите” успеа најмногу да ја спушти разликата на шест поени задостиг, но не и да се закани повеќе, така што Голден Стејт релативно мирно го заврши натпреварот.

Дончиќ на овој натпревар немаше помош од Леброн Џејмс, кој нема да го гледаме уште околу еден месец поради ишијас.

Најголема помош имаше од Остин Ривс, кој постигна 26 поени, пет скокови и девет асистенции, и Диандре Ејтон кој обезбеди десет поени со девет скокови.

На другата страна доминираше Џими Батлер со 31 поен и пет скокови, Стеф Кари постигна 23, а одличен беше и Џонатан Куминга со 17 поени, девет скокови и шест асистенции.