Добри вести од Баерн: Мусиала може да се врати на терен побрзо од очекуваното

На натпреварот помеѓу Баерн и Пари Сен-Жермен, Џамал Мусиала претрпе сериозна повреда по судир со противничкиот голман Џанлуиџи Донарума.

Во таа несреќна ситуација, коската на потколеницата му се скрши, а и лигаментите на левиот скочен зглоб беа оштетени.

Сепак, од Баерн доаѓаат охрабрувачки вести. Спортскиот директор Макс Еберл потврди дека Мусиала закрепнува побрзо од првобитните очекувања:

„Мусиала се опоравува одлично. Иако сè уште се потпира на патерици за да оди, рехабилитацијата тече многу позитивно.“

Според првичните прогнози, 22-годишниот играч на средината на теренот требаше да се врати на теренот при крајот на оваа сезона. Сепак, Еберл сега сугерира дека неговото враќање може да се случи порано:
„Сите се надеваме дека ќе се врати на фудбалот кон крајот на оваа календарска година или на почетокот на следната.“

Мусиала е дел од Баерн од почетокот на својата професионална кариера. Најпрвин играше за вториот тим, а од 2020 година е член на првиот тим. Досега во Бундеслигата има одиграно 138 натпревари и постигнато 45 голови. За германската репрезентација одигра 40 натпревари и запиша осум голови.