Доаѓаат подобри денови: Милијардери купија акции на Јувентус

Без многу внимание помина објавата дека Јувентус пред два дена доби нови сопственици на дел од акциите.

Акциите на Јувентус ги купи компанијата „Тетер“, која се занимава со криптовалути и има седиште во Соединетите Американски Држави, поточно во близина на Лос Анџелес.

Треба да се посочи дека семејството Ањели сè уште има околу 64% од акциите на овој клуб.

„Ние сме навивачи на Јувентус. Приближно минатата година имавме 13.7 милијарди евра профит, можеме да го поддржуваме Јувентус во наредните 2000 години. Напишав „Make Juventus great again“ (направете го Јувентус повторно голем) затоа што тој слоган добро функционира. Дури иако е точно дека сме блиски на новата американска власт“, рече еден од директорите на компанијата, Паоло Ардоино.