Димитриевски со Валенсија ќе игра против Барселона во Купот

Денеска беше извршена ждрепката за четвртфиналните дуели во шпанскиот Куп, која донесе возбудливи натпревари, меѓу кои и големото дерби помеѓу Барселона и Валенсија. Во овој натпревар, македонскиот голман Столе Димитриевски ќе има можност да се соочи со каталонскиот гигант, во обид да помогне на својот тим да обезбеди пласман во полуфиналето.

Реал Мадрид, пак, доби релативно полесен противник и ќе се натпреварува против Леганес. Атлетико Мадрид ќе се соочи со Хетафе во уште еден интересен дуел, додека Реал Сосиедад ќе ги одмери силите со Осасуна.

Четвртфиналните натпревари ќе се одиграат на 4, 5 и 6 февруари.