Џексон бара да замине од Челси, на чекор е од потпис со италијанскиот великан!

Николас Џексон е на излезна врата од Челси откако клубот ова лето доведе неколку нови напаѓачи, вклучувајќи Жоао Педро и Лиам Делап.

Сенегалецот ебешеизоставен од составот за последните подготвителни натпревари против Бајер Леверкузен и Милан, а според информациите на “Телеграф”, веќе ја известил управата дека сака да ја смени средината.

Најверојатната дестинација за продолжување на неговата кариера е Серија А, каде што Милан покажува посебен интерес. Росонерите се во потрага по нов напаѓач и го гледаат Џексон како совршено решение за врвот на нападот.

Откако во Премиер лигата не ги исполни целосно очекувањата, Сан Сиро би можел да биде неговата шанса за нов почеток.