Денвер без Јокиќ го совлада Хјустон – Мареј херој со 39 поени

Кошаркарите на Денвер Нагетс го победија Хјустон Рокетс со резултат 116:111 минатата ноќ.

Оклахома Сити Тандер се на првото место во Западната конференција, но подолу од тоа речиси ништо не се знае и многу е возбудливо.

Хјустон Рокетс, кои моментално се на втората позиција, беа поразени од Денвер Нагетс и ова е нивниот прв пораз по девет последователни победи.

Херој на Нагетс беше Џамал Мареј, кој во отсуство на Никола Јокиќ (повреда), постигна 39 поени со 4 скока и 7 асистенции, додека Мајкл Портер Јуниор имаше учинок од 17 поени и 9 скока.

Во редовите на Хјустон Рокетс, Џејлен Грин беше главен поентер со 30 поени.

Сега Нагетс имаат 45 победи по 72 одиграни натпревари, што е само една победа помалку од Хјустон Рокетс кои во последните десет натпревари се поразени само еднаш – и тоа од екипата од Колорадо.

Лејкерс, кои се на четвртата позиција, имаат одиграно 70 натпревари и 43 победи, а истиот број на триумфи за еден натпревар повеќе од Лејкерс има и Мемфис, па јасно е дека не чека голема драма во расплетот до крајот на регуларниот дел од сезоната.

НБА резултати:

Атланта – Филаделфија 132:119
Мајами – Шарлот 122:105
Портланд – Бостон 116:129
Торонто – Сан Антонио 89:123
Хјустон – Денвер 111:116
Клиперс – Оклахома 101:103