Додека поголем дел од светот на фудбалот одмора за време на зимските празници, на далечниот север на Финска сезоната е во полн ек за еден многу специјален клуб. Приказната не води во Рованиеми, официјалниот дом на Дедо Мраз во Лапонија, каде температурите се спуштаат и до минус 38 степени. Легендата вели дека токму Дедо Мраз побарал создавање на свој фудбалски тим, што довело до создавање на ФК Санта Клаус, пишува FIFA Museum.
ФК Санта Клаус официјално е основан во 1993 година со спојување на два локални клуба, Рованиемен Лапија и Рованиемен Реипас. Од самиот почеток, играчите, навивачите и целата заедница со ентузијазам го прифатиле новиот тим. Играат во препознатливи црвено-бели дресови, а на грбот им е Дедо Мраз кој ја проверува својата листа. Нивната популарност одамна ги надминала границите на Финска и денес имаат обожаватели ширум светот.
До кога ќе дишеме отровен воздух!? | Уште еден поткаст
Иако на прв поглед може да изгледа дека станува збор за симпатичен божиќен трик, ФК Санта Клаус е сериозен фудбалски клуб со вистински спортски амбиции. Најчесто се натпреваруваат во втора и трета финска лига, а два пати биле на чекор до влез во прволигашкото друштво, последен пат во 2010 година.
Денес клубот на Дедо Мраз се натпреварува во шестата финска лига. Првиот банкрот го доживеа во 2012 година и мораше да се затвори и обнови под новото име – ФК Санта Клаус Арктик Серкл. Испаднаа од третата лига во 2016 година и никогаш не се вратија во неа. Клубот повторно се затвори во 2019 година, но уште еднаш се врати под старото име, под кое функционира и денес.
Учество во игри на среќа е дозволено за лица со 18+ години. Играј одговорно!