Данска ја прегази Португалија за ново финале

Ракометарите на Данска ја декласираа Португалија со резултат 40:27 во полуфиналето на Светското првенство.

Данците во финале ќе играат против Хрватска и ќе имаат шанса четврти пат по ред да го освојат најпосакуваниот трофеј.

Португалците уште на самиот старт се соочија со проблеми и во почетните минути заработија дури три исклучувања, Данците знаеа тоа да го искористат и во првиот дел направија предност од четири гола.

Скандинавскиот тим силно го отвори вториот дел и брзо дојде до двоцифрено водство кое рутински го држеше до крајот на мечот.

Гидсел беше најдобар стрелец со девет гола, а Шмит постигна осум погодоци за селекцијата на Данска.