Челси договори ново засилување, што ова значи за драматаа со Џексон?

Фудбалскиот клуб Челси е еден од клучните актери ова лето, а се чини дека ќе го одбележи и самиот крај на трансфер периодот.

Од вчера е познато дека позајмицата на Николас Џексон во Баерн Минхен била стопирана, поради повредата на Лиам Делап. Од Минхен информираа дека не можат ништо да направат, бидејќи ништо не е потпишано и Челси бара Сенегалецот да се врати назад.

Но, денеска наутро стигна потврда дека во Челси пристигнува Факундо Буонаноте. Станува збор за офанзивен играч за врска кој е доведен за да служи како алтернатива на Кол Палмер на местото “десетка”, а Жоао Педро би можел да се префрли на позицијата централен напаѓач, откако токму тој играше зад Лиам Делап на натпреварот против Фулам. 

Јасно е дека Буонаноте не е шпиц, но како што споменавме, ја засилува позицијата зад напаѓачот, така што Педро би можел да остане единствен напаѓач во наредните недели додека Делап не се врати на теренот. 

Како што потврди Енцо Мауреска, Делап може да биде отсутен и до два месеци, а среќата во целата оваа ситуација е што во тој период има две репрезентативни паузи.

Сево ова значи дека Буонаноте доаѓа на позајмица во Челси, останува да видиме како ќе се развиваат работите на “Стемфорд Бриџ”…