Чаби Алонсо потроши 70.000 евра и на целито свет му покажа за каков господин станува збор

Чаби Алонсо успеа минатата сезона со Баер Леверкузен да ја освои титулата првак на Германија за првпат во историјата на тој клуб, па Шпанецот одлучи на посебен начин да го награди својот стручен штаб и потроши скоро 70.000 евра.

Леверкузен минатата сезона ја воодушеви фудбалската јавност со одличните игри и освојувањето на двојната круна во Германија за првпат во својата историја.

Алонсо успеа да стане првиот тренер кој со Леверкузен ја освои Бундеслигата, а шлаг на тортата беше и освојувањето на трофејот во ДФБ Купот.

Секако, најголемата благодарност за тој потфат припаѓа на играчите на „Апотекарите“, но Алонсо реши на посебен начин да им даде до знаење на своите помошници дека и нивниот труд не помина незабележан.

Германските медиуми пишуваат дека Алонсо решил да го израдува својот стручен штаб со посебни подароци кои беа во изработка неколку месеци, но конечно успеа да ги подели со своите помошници.

Bayer Leverkusen coach Xabi Alonso has reportedly spent between €60,000 and €70,000 on replicas of the Bundesliga trophy for his entire coaching team 👉 https://t.co/bvb2Sr7oYu. #B04 #Bundesliga

— Bulinews.com – Bundesliga News (@bulinewsdotcom) December 17, 2024

„Билд“ пишува дека Алонсо по освојувањето на титулата нарачал реплики на трофејот од Бундеслигата за секој од своите членови на стручен штаб, и пред неколку дена им ги предаде и успеа да ги израдува.

Тоа го потврди и неговиот помошник Марсел Даум кој објави на Инстаграм фотографија од подарокот што го доби и порача: “Фала шефе”.

Исто така, „Билд“ наведува дека Алонсо купил вкупно 11 трофеи и потрошил скоро 70.000 евра.

“Имам реплики од сите трофеи што ги освоив, тие се наоѓаат во мојот дом. Сега го имам и овој трофеј како тренер што е навистина посебно. Сите учествувавме во овој успех и затоа сакав сите да имаат нешто што ќе ги потсетува на тоа”, изјави Алонсо.