Британската влада се закани дека ќе го тужи поранешниот сопственик на фудбалскиот клуб Челси, Роман Абрамович, за да осигура дека парите од продажбата на клубот ќе одат за Украина.
Сумата од 2,5 милијарди фунти е замрзната во една британска банка по продажбата, а Абрамович е под санкции од британската влада по нападот на Русија врз Украина во февруари 2022 година, по тврдењата дека е близок соработник на рускиот претседател Владимир Путин, пренесе денес Би-Би-Си.
Од неколку парчиња пелени до успешен бизнис - Приказната за Балон Твистер ↓↓↓
Британската влада сака парите да бидат искористени како хуманитарна помош за Украина, а Абрамович изјави дека сака парите да одат за сите жртви на војната во Украина.
„Иако вратите за преговори ќе останат отворени, целосно сме подготвени ова да го продолжиме преку суд ако треба. Владата е решена приходот од продажбата на фудбалскиот клуб Челси да стигне за хуманитарни цели во Украина, по нелегалната инвазија на Русија,” се наведува во соопштението на надлежните.
Фото: Принтскрин
Учество во игри на среќа е дозволено за лица со 18+ години. Играј одговорно!