Натпреварот помеѓу Аргентина и Бразил 4-1 во јужноамериканските квалификации за Светското првенство беше обележан со меѓусебни конфликти и препукувања на теренот. Сè започна уште пред натпреварот со изјава на Рафиња, ѕвездата на Бразил и Барселона, кој рече дека ќе ги “разбијат Аргентинците и на теренот и надвор од него, ако е потребно”.
Аргентинците му замерија на тоа, па го провоцираа за време на натпреварот, а особено потоа, поради што тој полуде и сакаше физички да се пресмета со нив. За време на натпреварот се навредуваа Родриго и Леандро Паредес, а во провоцирањето на Бразилците предничеше Емилијано Мартинез, кој во еден момент, при водство од 4:1, почна да жонглира со топката во својот шеснаесетник.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
За хаотичниот натпревар сега се огласи и Лионел Меси, кој го пропушти ова репрезентативно собирање поради повреда. “Дома, надвор, каде било со оваа репрезентација… Секогаш зборуваме преку фудбалот и на теренот. Честитки за одличниот натпревар што го одигравте синоќа, како и за победата над Уругвај”, напиша Меси на Инстаграм
Учество во игри на среќа е дозволено за лица со 18+ години. Играј одговорно!