Швајцарската професионална триатлонка Имоген Симондс е привремено суспендирана поради допинг. Одлуката беше донесена по тест надвор од натпреварувањето на 8 декември минатата година, кога во нејзиното тело беше пронајдена забранетата супстанца лигандрол. Оваа супстанца се користи за подобрување на мускулната маса и веќе скоро десет години е на листата на забранети супстанци на ВАДА.
Симондс изјави дека ангажирала експерти за да истражат како супстанцата влегла во нејзиниот организам. На социјалните мрежи објави дека резултатите сугерираат дека супстанцата ѝ била пренесена преку телесни течности од партнерот.
Се решава титулата во Серија А! Интер или Наполи!? ↓↓↓
“Истражувањето откри дека мојот долгогодишен партнер, без мое знаење, земал лигандрол за подобрување на својата физичка форма околу времето на позитивниот тест”, рече Симондс на нејзиниот профил на Инстаграм.
Таа верува дека супстанцата влегла во нејзиниот систем за време на сексуалниот однос на денот на тестот и денот пред тоа. Тестот се случил околу една недела пред да заврши на четвртото место на Светското првенство Ironman 70.3 во Тајно, Нов Зеланд. Два други теста спроведени во тој период биле негативни. Симондс тврди дека немала поим за присуството на лигандролот во нејзиниот систем кога тестот бил позитивен.
Учество во игри на среќа е дозволено за лица со 18+ години. Играј одговорно!