Безличниот Ливерпул не успеа да ја пробие одбраната на Лидс

Ливерпул не успеа да го победи Лидс по втор пат во рок од еден месец и ја започна новата година со нерешен резултат.

Во декември двата тима приредија голово шоу, а сега не постигнаа гол и натпреварот на “Енфилд” заврши 0:0. Илија Груев беше стартер за гостите и одигра добар меч.

Мерсисајдерите немаат пораз во последните осум натпревари, но ќе останат разочарани од својата игра денес. Тие ја контролираа топката во голем дел од средбата, но создадоа многу малку во нападот. Лидс е во серија од шест натпревари без пораз и сега се наоѓа осум поени над зоната за испаѓање.