Триесет и едногодишниот португалски играч за врска Бернардо Силва полека го завршува својот деветгодишен ангажман во Манчестер сити, каде пристигна уште во летото 2017 година од Монако.
Ова лето му истекува договорот и речиси е сигурно дека соработката нема да продолжи и дека ќе го гледаме Бернардо Силва следната сезона во некој друг клуб.
Исхрана, повреди и тренинг – совети од доктор по спортска медицина | Уште еден поткаст
Засега најмногу се зборува за интересот на Јувентус за неговите услуги, а „Тутоспорт“ пренесува дека големиот клуб од Торино е „веродостоен кандидат за неговиот потпис“, иако Бернардо Силва има и некои други опции во Европа, како и во МЛС или саудиската лига.
Фактот дека португалскиот играч за врска ќе биде слободен играч на лето е особено привлечен за Јувентус, но треба да се договори и околу финансиските услови со играчот кој во Манчестер сити заработува околу 10 милиони евра по сезона и кој не би прифатил плата под 8-9 милиони евра, па Јувентус можеби треба да направи исклучок во однос на висината на неговата плата во споредба со планот за следната сезона, по кој најдобрите играчи би заработувале најмногу околу седум милиони на годишно ниво (Кенан Јилдиз, или Влаховиќ ако потпише нов договор).
На Бернардо Силва му е даден рок до крајот на април да се изјасни за понудата на Јувентус, а контактите веќе се воспоставени преку агентот.
Во меѓувреме, неговиот сонародник Жоао Кансело, кој до крајот на сезоната игра за Барселона како позајмен играч од Ал Хилал, има интересен предлог за Бернардо Силва.
„Би сакал да го видам во Барселона или екипата на Бенфика“, изјави Кансело за „Канал 11“.
Учество во игри на среќа е дозволено за лица со 18+ години. Играј одговорно!