Еден од омилените играчи на Гвардиола во Манчестер Сити – Бернардо Силва, веќе го информирал раководството на клубот дека ова е неговата последна сезона на “Етихад Стадион”, тврди “А Бола”.
Договорот на Португалецот истекува летово и тој нема да го обнови, иако клубот сака да остане. 31-годишниот играч за врска веќе ги разгледува сите можности, а според “А Бола” неговите желби се да остане во Европа. Барселона, Јувентус и Галатасарај се заинтересирани за него.
Исхрана, повреди и тренинг – совети од доктор по спортска медицина | Уште еден поткаст
Клубовите од Саудиска Арабија и САД остануваат можни опции, но Силва се уште сака да игра на највисоко ниво. Враќањето во Бенфика за сега не е на дневен ред, додава изворот.
Бернардо Силва продолжува да биде еден од играчите на кои Гвардиола му има најголема доверба. Досега Португалецот одиграл 30 натпревари во Премиер лига, а постигнал два гола и четири асистенции. Неговата сметка во сите турнири изнесува 42 натпревари.
Учество во игри на среќа е дозволено за лица со 18+ години. Играј одговорно!