Барселона пронашла начин како да го доведе најпосакуваниот напаѓач во Европа?

Иако Барселона сѐ уште има финансиски проблеми кои се одразуваат и на трансферите, изгледа дека Жоан Лапорта и Деко пронашле начин како следното лето да го доведат во каталонскиот клуб напаѓачот кој го посакува цела Европа.

Барселона веќе со години мака мачи со финансиите и долговите кои претежно се направени во ерата на претходните два претседатели, но изгледа дека Жоан Лапорта конечно е близу до решение.

Поради спонзорските договори кои ги договорила Барселона, се очекува дека веќе од лето овој клуб ќе се врати во правило 1:1, што денес го потврди Лапорта на прес-конференција, а тоа ќе им овозможи на Каталонците да играат сериозна улога на трансфер пазарот после повеќе од пет години.

Откако Лапорта успеа да го реши проблемот со регистрацијата на Дани Олмо и Пау Виктор, стана јасно дека челните лица на клубот веќе сега се подготвуваат за летниот прелазен рок.

Се очекува дека Барселона ќе направи неколку звучни трансфери, а изгледа дека е познато кој ќе им биде прва цел.

Станува збор за напаѓачот на лисабонскиот Спортинг, Виктор Ѓекереш, кој ја воодушеви фудбалската јавност со своите настапи и јасно е дека клубот од Португалија ќе му биде тешко да го задржи во своите редови на крајот на сезоната.

Ѓекереш веќе се поврзува со многу европски великани, а наводно Лапорта и Деко се воодушевени од тоа како игра и по секоја цена сакаат да го доведат во Барселона.

Исто така, познато е дека и Ханси Флик сака во тимот уште еден напаѓач бидејќи во моментот на располагање го има само Роберт Левандовски, а Ѓекереш сигурно би бил остварување на сонот за германскиот стратег.

„Ел Насионал“ објави дека во Барселона прават сѐ да го доведат Швеѓанецот уште на почетокот на летото, и пронашле идеален начин како финансиски подобро да пројдат.

Имено, Барселона ќе му понуди на Спортинг одредена сума пари, но и да во спротивна насока оди Витор Роке кој игра одлично на позајмица во Бетис. Роке во летото се поврзуваше со Спортинг, кој покажуваше интерес за Бразилецот, а сега тоа Барселона се обидува да го искористи.

🚨 Барселона размислува да го користи Витор Роке како дел од договор за размена за да го потпише Виктор Ѓокерес.

(Извор: Ел Насионал) pic.twitter.com/Zqir6dxa5C

— Трансфер Новости во живо (@DeadlineDayLive) Јануари 14, 2025

Деко веќе воспоставил контакт со Спортинг, но и со Ѓеќереш кој наводно има желба да ја продолжи кариерата во Барселона.

Овој 26-годишен Швеѓанин оваа сезона на 30 натпревари за Спортинг постигна дури 32 гола, што покажува за каков напаѓач станува збор.

Покрај Барселона, се поврзува со многу клубови, а наводно најголем интерес покажале Баерн, Челзи, Манчестер Јунајтед и ПСЖ. Несомнено е дека Ѓекерешс ќе го напушти Спортинг, и ќе биде многу интересно да се види каде на крајот ќе заврши.

Инаку, се очекува дека Барселона покрај Роке би можела да му понуди на Спортинг уште околу 40 милиони евра.