Барселона пронајде идеално засилување: Го сака фудбалерот кој го сруши и Манчестер Јунајтед!

Сѐ повеќе индикации укажуваат дека Руни Барџи ќе го носи дресот на Барселона.

Овој млад крилен играч на Копенхаген наскоро станува слободен агент, а уште ова лето Барселона би можела да го обезбеди за скромни 2-3 милиони евра.

Швеѓанецот, со потекло од Кувајт, го привлече вниманието и на Порто, а неговите претставници неодамна беа во Барселона на вечера со Деко.

Овој млад фудбалер остави силен впечаток во Лигата на шампионите минатата сезона, постигнувајќи гол против Манчестер Јунајтед во незаборавната победа на Копенхаген од 4:3 на само 17 години.

Вреди да се спомене дека Олимпик Марсеј исто така беше многу блиску до негов трансфер, но се повлекоа поради сомнежи во неговото физичко здравје. Овој играч претрпе повреда на преден крстен лигамент, но по неговото враќање на теренот минатата сезона, покажа извонредна форма и во Барселона немаат грижи.