Манчестер Сити не остави никакви шанси на Борусија Дортмунд и триумфираше со 4:1 на „Етихад“ во натпреварот од четвртото коло во групната фаза на Лигата на шампионите.
Ова е трет успех за Англичаните, кои исто така имаат и едно реми. Загубата, пак, е прва за „жолто-црните“, кои имаат 7 бодови. Два гола на Фил Фоуден (22’, 57’) и редовниот погодок на Ерлинг Холанд (29’) донесоа одлична предност на тимот на Жозеп Гуардиола. Германците успеаја само да намалат преку Валдемар Антон (72’), а во последните секунди Рајан Шерки го постигна последниот гол за островјаните.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Бриж и Барселона одиграа реми 3:3 во една од најинтересните средби од 4-то коло на групната фаза во Лигата на шампионите.
Домаќините изненадувачки поведоа со раниот гол на Николо Тресолди (6′), но Каталонците брзо одговорија и израмнија преку Феран Торес (8′). Потоа гостите наметнаа тотален притисок, со што оставија многу простори во нивната половина и Белгијците го искористија тоа за да ја вратат предноста со нов гол на Карлос Боржес (17′). „Блаугранас“ продолжија да играат подобро и по вториот гол во нивната мрежа, и повторно израмнија дури во второто полувреме преку Ламин Јамал (61′).
Радоста за гостите пак, беше краткотрајна и примија нов гол по уште една грешка во одбраната, а стрелецот за Бриж повторно беше Карлос Боржес (64′). Сепак, тоа не беше сè и остана време симфонијата од голови да продолжи со последниот акорд, кој беше автогол на Христос Цолис (77′).
Учество во игри на среќа е дозволено за лица со 18+ години. Играј одговорно!