Раководството на Барселона го истакна засилувањето на одбраната како главен приоритет за претстојниот зимски преоден рок. Се повеќе се спомнува холандскиот дефанзивец Нејтан Аке како можност за решение.
До кога ќе дишеме отровен воздух!? | Уште еден поткаст
Поради подолгото отсуство на Андреас Кристенсен, каталонскиот гигант активно бара сигурен одбранбен играч. Според “Спорт”, Аке одговара на профилот што го бара тимот, главно поради неговата способност да игра на повеќе позиции во одбраната.
Иако игра за Манчестер Сити, Аке оваа сезона нема добиено многу шанса. Во Премиер лигата беше стартер само на една средба, а во сите натпреварувања има одиграно нешто повеќе од 700 минути. Новинарот Екрем Конур потврди дека Барселона внимателно ја следи ситуацијата, но истовремено истакна дека Манчестер Сити нема лесно да се согласи на трансферот.
Финансиските ресурси се ограничени, па затоа Барселона разгледува алтернативни модели. Најдобрата опција за Каталонците би била шестмесечна позајмица со можност за откуп на договорот летово.
Учество во игри на среќа е дозволено за лица со 18+ години. Играј одговорно!