Барселона доби порака да размисли за продажба на Ламин: Ниту еден играч не е над клубот

Тони Фреиса, поранешен член на управата на Барселона, изрази пораки насочени кон младата ѕвезда на каталонците, Ламин Јамал.

Бившиот функционер истакна дека тимот од Каталонија треба да го продаде Јамал доколку осумнаесетгодишниот фудбалер не го промени својот став и не престане да се вплеткува во контроверзиите што ги предизвика неодамна.

Во емисијата „Solo para Cules“ на каналот “El Chiringuito de Jugones”, Фреиса му препорача на шпанскиот репрезентативец да се концентрира само на фудбалот.

– Кога би бил мој син, би му рекол дека не е толку добар како што зборуваат сите. Нека продолжи да работи напорно и да не верува во сè што му велат. Фокусирај се само на фудбалот. Доколку Ламин има каков било проблем што бара решение, мораме да му помогнеме. Но, ако дoјдеме до точка кога проблемот нема решение, нема драма, Барса ќе продолжи понатаму – изјави тој.

За Тони Фреиса, најважна е Барселона и институцијата секогаш е поважна од секој поединец.

– Не ја исклучувам ниту една опција кога станува збор за клубот. Секој може да биде заменет, но Барса останува – додаде бившиот член на управата на шпанскиот клуб.

Ламин Јамал сезонава има одиграно 13 натпревари за Барселона, а постигна шест голови и забележа седум асистенции.