Барселона наскоро би можела да го претстави својот нов млад фудбалски талент. Според известувањата на „Марка“, шпанскиот шампион е длабоко во преговори со бразилскиот клуб Спорт Ресифе каде што се развива 17-годишниот дефанзивен играч за врска Зе Лукас. Во оваа сезона веќе има дебитирано за тимот и досега има одиграно 432 минути на осум натпревари во лигата, со можност наскоро да се пресели од Јужна Америка во Европа.
„Трансфермаркт“ го проценува на 3 милиони евра и истакнува дека досега играл и на позициите централен играч за врска и десно крило. Барселона го следи веќе извесен период, а нејзините скаути го следеа и на Јужноамериканскиот првенство до 17 години каде имаше клучна улога во освојувањето на титулата. Тој е капитен на оваа репрезентација.
Данска vs. Македонија: Како тие се справуваат со отпадот, додека ние се расправаме кој е крив?
Вкупно има одиграно 17 натпревари за првиот тим на Ресифе, висок е 188 cm и се смета дека е вешт во контрола на топката и нејзина дистрибуција. Неговиот договор трае до летото 2028 година.
Фото: Sport Club do Recife – Base/X
Учество во игри на среќа е дозволено за лица со 18+ години. Играј одговорно!