Баерн Минхен ја разгледува можноста за ангажирање на шпанскиот репрезентативец Нико Вилијамс, тврди „Билд“. Спортските директори на баварскиот гигант, Макс Еберл и Кристоф Фројнд, ќе ја следат играта на крилниот напаѓач на Атлетик Билбао на полуфиналниот натпревар од Лигата на нациите против Франција.
Изданието наведува дека Баерн го следи Вилијамс подолг период. Во неговиот договор има фиксна откупна клаузула којашто изнесува околу 60 милиони евра.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Во сезоната 2024/25, Вилијамс постигна 5 голови и 5 асистенции во 29 натпревари во Ла Лига.
Неговото пристигнување на „Алијанц Арена“ ќе биде уште поверојатно ако Лерој Сане не го обнови договорот. Германскиот репрезентативец ја разгледува финалната понуда од Баерн, која вклучува годишна плата од 15,5 милиони евра.
Учество во игри на среќа е дозволено за лица со 18+ години. Играј одговорно!