Aлегри му даде шанса, па му порача: Сто пати си ја местеше косата, утре ќе оди на бербер

Тимот на Јувентус одлично ја започна новата сезона во Серија А и вчера славеше против Удинезе со 0:3.

Во финишот од натпреварот тренерот Масимилијано Алегри му даде шанса на Кенан Јилдиз. Јилдиз ги одигра последните десетина минути од натпреварот, а Алегри на прес-конференцијата по мечот му порача дека треба да оди на бербер.

„Мора да оди на бербер, вечерва сто пати си ја местеше косата. Веќе утре ќе мора да ја скрати косата и да се фокусира на фудбалот“, изјави Алегри.

Јувентус сите три гола ги постигна во првото полувреме, а стрелци беа Киеза, Влаховиќ и Рабио.

#Allegri su #Yildiz: "lui intanto domani si taglia i hapelli". Max il depositario dello #StileJuve pic.twitter.com/O0Nr2uzVDJ

— Daniele De Felice (@DanieleBibo) August 21, 2023