Атлетико се огласи: Фрустрирани сме, судиите направија голема грешка!

АТЛЕТИКО Мадрид е исфрлен од градскиот ривал Реал Мадрид во осминафиналето на Лигата на шампионите. Тоа беа одлични два натпревари во кои по целокупниот резултат 2:2, победникот беше одлучен со подобро изведување на пенали. Судии го поништија ударот на Жулијан Алварез поради двоен допир. Аргентинецот се сопна и два пати ја допре топката при ударот. Ова предизвика многу контроверзии, а Атлетико се огласи со соопштение.

“Знаеме дека грешката на ВАР никогаш нема да го промени конечниот резултат. Без разлика колку е јасна грешката, резултатот ќе остане. Но, длабоко жалиме за овој ‘инцидент’ и неговото влијание врз нас. Ова ја разбил надежта на милиони навивачи и ги поткопа исклучителните напори на нашиот тим.

И покрај објаснувањето на УЕФА, сме фрустрирани затоа што сметаме дека:

• Топката не беше јасно поместена пред ударот од ниту еден достапен агол.
• ВАР треба да интервенира само во случаи на јасни и очигледни грешки, а оваа одлука е донесена за само 45 секунди, според изјавата на клубскиот персонал.

Не е во ДНК на Атлетико да бараме изговори. Веќе гледаме напред кон нашиот следен предизвик – неделниот натпревар со Барселона.”