Aталанта без најдобриот фудбалер против Барселона

Фудбалерите на Аталанта гостуваат во Барселона во последното коло од групната фаза на Лигата на шампионите, а во тимот нема да биде Адемола Лукман.

Како што пренесоа италијанските медиуми, Лукман почувствувал непријатност на последниот тренинг, степенот на повредата не е познат, но јасно е дека нема да може да им помогне на соиграчите на “Монжуик”.

Лукман е еден од најдобрите играчи на Аталанта и оваа сезона, бидејќи постигна 14 гола и асистираше седум пати на 27 натпревари во сите натпреварувања.

Аталанта е седма на табелата со 14 освоени бодови, но тешко дека ќе остане во топ 8 ако загуби од Барселона, бидејќи блиску зад нив се Баер Леверкузен, Астон Вила, Монако, Фејнорд, Лил и Брест, кои сите имаат по 13 бодови.

Сите натпревари од последното коло на групната фаза на Лигата на шампионите се играат утре од 21.00 часот.