Артета прави „револуција“, ќе има нова позиција за Сака?

Менаџерот на Арсенал, Микел Артета, не ја исклучува можноста дека во продолжението на сезоната ќе го користи Букајо Сака и како – централниот напаѓач.

Сака го замени Виктор Ѓокереш на полувремето во победата над Виган во ФА купот, а после тоа на конференцијата за медиуми логично беше прашањето дали тоа е дел од некоја нова тактика и план.

„Тоа е нешто што го разгледуваме како опција и што сакаме да пробаме, и можеби ќе го направиме во иднината. Имаме уште голем број на натпревари во сите натпреварувања и различни сценарија во кои треба да играме, па така и тоа мора да го разгледуваме како опција. Ако Сака игра во средината, ќе биде поблиску до голот, а со самото тоа ќе биде многу поголема и постојана опасност за противниците. Исто така, може да ги менува своите позиции со боковите играчи, бидејќи е многу добар во користењето на слободниот простор. Кога е во нив, тогаш е најопасен кога ја прима топката,” рече Артета.

Пред Арсенал е клучниот дел од сезоната, борбата за трофеи во сите четири натпреварувања и иновациите во напаѓачката линија секако можат да бидат дополнителна опција.