Додека се обидува да го освои шампионатот на Премиер лигата за прв пат по 22 години, Арсенал не се фокусира само на сегашноста, туку мисли и на иднината, планирајќи активност на летниот трансфер прозорец.
Големата желба на менаџерот Микел Артета и неговите скаути е младиот дефанзивец на Реал Мадрид, Виктор Валдепењас, и “топџиите” ќе направат сè што можат за да го привлечат, пишуваат англиските медиуми.
До кога ќе дишеме отровен воздух!? | Уште еден поткаст
Овој 19-годишен Шпанец дебитираше за првиот тим на Реал против Алавес минатиот декември, а веќе неколку месеци го привлекува вниманието на скаутите на Арсенал. Во клубот веќе се водат внатрешни разговори за потенцијален трансфер, иако официјална понуда сè уште не е испратена.
Валдепењас има договор со Реал до 2029 година, со откупна клаузула од околу 50.000.000 евра.
Игра со лева нога, а може да помогне и на позицијата лев бек, ако е потребно.
Останува да видиме дали Реал е подготвен да го продаде или ќе му понуди нов договор за да го задржи, спречувајќи го Арсенал.
Во спротивно, Валдепењас ќе добие можност да се развива покрај веројатно најдобрата одбранбена линија во светот, под водство на Габриел, Салиба, Калафиори и другите…
Учество во игри на среќа е дозволено за лица со 18+ години. Играј одговорно!