Арнолд со емотивна порака се збогуваше со Ливерпул, познато и каде продолжува

Англискиот фудбалер Трент Александар-Арнолд соопшти дека ќе го напушти Ливерпул по завршувањето на сезоната.

Нешто што веќе се најавуваше и речиси се знаеше дека доаѓа – Трент го завршува својот дваесетгодишен престој во саканиот клуб. Имаше надежи меѓу навивачите на Ливерпул дека написите во медиумите можеби ќе се сменат, но залудно.

Трент ќе оди во Реал, иако тоа не е напишано во неговото соопштение.

“После 20 години во Ливерпул, време е да потврдам дека заминувам на крајот од сезоната. Ова е најтешката одлука во мојот живот. Знам дека многумина од вас се запрашувале и биле разочарани зошто не говорев за ова, но мојата намера беше да се фокусираме целосно на тимот и да ги ставиме интересите на тимот во прв план, што беше осигурувањето на титулата. 

Клубот беше мојот целиот живот, мојот свет, 20 години. Поддршката и љубовта внатре и надвор од клубот ќе останат со мене засекогаш и ќе одам должник на сите. 

Од длабочината на моето срце – ви благодарам на сите – на сите тренери, менаџери, соиграчи, персонал и неверојатните навивачи. Благословен сум што ги живеам моите соништа и што никогаш не ги земам за здраво за готово посебните моменти и што сум среќен што го поминав сето ова со вас. Мојата љубов кон овој клуб никогаш нема да умре”, напиша Трент.

Тој за првиот тим на Ливерпул одигра 352 натпревари, постигна 23 гола и имаше 92 асистенции.

After 20 years at Liverpool Football Club, now is the time for me to confirm that I will be leaving at the end of the season.

This is easily the hardest decision I’ve ever made in my life.

I know many of you have wondered why or been frustrated that I haven’t spoken about this… pic.twitter.com/emAw5RvXq0

— Трент Александар-Арнолд (@TrentAA) May 5, 2025

Фото: Liverpool FC/X