Арнаутовиќ му се обрати на Самарџиќ во микс зоната: “Ајде дојди кажи како го даде голот”

Натпреварот помеѓу фудбалерите на Србија и Австрија заврши нерешено, 1:1, во првиот натпревар од разигрувањето за останување во А дивизијата на Лигата на нациите, а двата погодоци беа навистина мајсторски.

Единствениот стрелец за српскиот тим беше Лазар Самарџиќ, кој во 61. минута на спектакуларен начин постигна гол за изедначување.

Токму тој маестрален гол, предизвика многу интересна ситуација во микс зоната, а во центарот на вниманието се најдоа Марко Арнаутовиќ и Лазар Самарџиќ.

Арнаутовиќ му се обрати на Самарџиќ на српски, во момент кога Лазар требаше да даде изјава и му порача “Ајде, сега кажи како даде гол”.