Томас Тухел, селекторот на репрезентацијата на Англија, разгледува иновативен пристап за светското првенство, кое идното лето се одржува во САД, Мексико и Канада. Поради предвидените високи температури, кои на одредени места би можеле да надминат 40°C, Тухел размислува резервните играчи да ги држи во климатизирани соблекувални наместо на клупата покрај теренот.
Пред жребот за групите на Светското првенство, кој се одржува во Вашингтон овој петок, германскиот стратег откри дека размислува за опција играчите кои не се на теренот да ја следат играта преку телевизиски монитори за да останат свежи кога ќе влезат во игра. Изјави дека вакво нешто веќе видел на Клупскиот светски шампионат.
Како екраните влијаат на детскиот развој? Разговор со дефектолог
“Ако тоа ни помага во подоцнежните делови од натпреварот кога ќе влезат на теренот, сметам дека е опција која можеме да ја разгледаме. Никому не му се допаѓа, бидејќи сакам играчите да бидат присутни и да ја почувствуваат енергијата, пренесувајќи ја од клупата на теренот, но свесен сум за предностите од ова”, изјави Тухел и додаде:
“Видов тимови и играчи кои тоа го практикуваат на Клупскиот светски шампионат. Се надевам дека ова ќе можеме да го избегнеме. Секогаш е подобро ако играчите можат да бидат со нас.”
Учество во игри на среќа е дозволено за лица со 18+ години. Играј одговорно!