Одбранбениот играч Ендрју Робертсон сè уште не е сигурен дали ќе остане во англискиот фудбалски клуб Ливерпул по тековната сезона. Шкотскиот репрезентативец е двократен шампион со “црвените”, и исто така има трофеи од Лигата на шампионите, Суперкупот на УЕФА, Светското клупско првенство, ФА Куп, Карабао Куп и други.
Робертсон има 20 натпревари оваа сезона и вкупно 362 за Ливерпул, кој внесе Милош Керкез како потенцијална замена за него.
До кога ќе дишеме отровен воздух!? | Уште еден поткаст
“Имам уште пет месеци под договор. Ќе видам какви се можностите пред мене, без оглед дали за да останам тука или одам на друго место. Ќе го разговарам ова и со моето семејство, за да одлучиме како понатаму”, рече Робертсон.
“Во последните осум и пол години дадов сè за овој клуб и добив многу. Бев добро награден кога играв добро. Односите со луѓето во управата отсекогаш беа одлични, уште од првиот ден. Помага и фактот што постигнав многу, а бев доведен само за осум милиони фунти. Постојано им го потсетувам тоа”, продолжи шкотскиот репрезентативец, цитиран од Sky Sports.
“Односите ни се добри. Овде не станува збор за стандардни преговори, во кои измеруваме што можам да дадам јас на клубот и што може тој да ми даде мене. Испитуваме взаемно почитување и ќе видиме што ќе се случи”, заврши Робертсон.
Учество во игри на среќа е дозволено за лица со 18+ години. Играј одговорно!