Анчелоти: Не се сметам за најдобар, но не сум најглуп

Тренерот на Реал Мадрид, Карло Анчелоти зборуваше во пресрет на утрешниот 1/8 финален домашен натпревар против Селта за Купот на кралот.

 Логично, главна тема на прес-конференцијата беше новиот тежок пораз од 2:5 од големиот ривал Барселона во финалето на шпанскиот Суперкуп.

„Ова е состав кој има младост, енергија, посветеност што не ја покажува секогаш, но јас имам доверба во него. Пред еден месец играчите го освоија Интерконтиненталниот куп, пред 6 месеци – Лигата на шампионите, а сега се бориме на сите турнири. Понекогаш треба да ја платиш сметката… и во играта тој ден ја плативме. Ќе се бориме до крај, како и секогаш. Целосна доверба во сите мои играчи“.

„Не го следам бранот критики дека еден ден си најдобар на светот, а следниот ден си најглупав. Го имам потребниот баланс, што ми го даде искуството, да знам кој сум и да не ме понесе бранот, бидејќи инаку еден ден си најдобар, а следниот најлош. Мислам дека не сум најдобар, но не мислам ни дека сум најглупав“, изјави Анчелоти.