Анчелоти го избра најкомплетниот фудбалер во светот

Карло Анчелоти е на големата сцена повеќе од две децении и за време на својата богата тренерска кариера има тренирано голем број играчи, вклучувајќи и оние кои се сметаат за најдобри во историјата, па кога пофалува некој играч, неговите зборови сигурно имаат тежина.

Парма беше првиот сериозен клуб кој го водеше Анчелоти, а репутацијата на тренер од светска класа ја изгради во Милан, за да во Реал добие епитет на легендарен тренер.

Реал Мадрид е единствениот клуб на чија клупа се врати и не крие дека својата тренерска кариера сака да ја заврши токму во Кралскиот клуб.

Успеа да оформи одличен тим во кој пред сè владее одлична атмосфера во соблекувалната и егото е целосно оставено по страна без оглед што екипата е преполна со светски ѕвезди.

Токму од таа причина, Анчелоти е оној кој многу често им дава комплименти на своите играчи и ги става во прв план, па сега упати огромни комплименти на Федерико Валверде.

„Тој е комплетен и многу важен играч затоа што може да покрие многу позиции и сè прави совршено“, започна Анчелоти.