Аморим најде „оправдување“ за синоќешното издание на Јунајтед против Реал Сосиедад

Манчестер Јунајтед синоќа во Шпанија одигра нерешено против тимот на Реал Сосиедад. По натпреварот, кој заврши 1:1, за медиумите зборуваше Рубен Аморим, тренерот на Црвените Ѓаволи.

Во првиот натпревар од осминафиналето на Лига Европа, Манчестер Јунајтед одигра нерешено против тимот на Реал Сосиедад со 1:1.

Не блескаа по пеналот досуден за Сосиедад, но првото полувреме и дел од второто полувреме навистина изгледаа респектабилно за тимот на Црвените Ѓаволи.

По натпреварот за самиот меч зборуваше Рубен Аморим. Португалецот истакна дека е задоволен, но пронајде и причина зошто тимот опаѓаше како што времето минуваше.

„Мислам дека до пеналот имавме целосна контрола над натпреварот и мислам дека пеналот го промени интензитетот на играта”, започна Аморим и додаде:

„Се почувствува дека сме страшно уморни во последните триесет минути. Можеше да се види на лицата на играчите и да се почувствува во нашата игра. Едноставно играме многу натпревари, а сега сè е на нас да славиме на Олд Трафорд“.