Аморим беше брутално искрен по најновиот срам на Јунајтед: Ние сме најлошиот тим во историјата на клубот

Манчестер Јунајтед го претрпе 10-от пораз во 22. коло од англиската Премиер лига, откако загуби од Брајтон на „Олд Трафорд“ со 3-1.

Избраниците на Рубен Аморим им нанесоа ново разочарување на своите навивачи, а португалскиот тренер даде своја изјава по натпреварот.

„Во 10 натпревари во Премиер лигата победивме на два. Замислете што е ова за навивачите на Манчестер Јунајтед. Замислете што е ова за мене. Така, дојде нов тренер кој губи повеќе од претходниот тренер. Целосно сум свесен за тоа“, започна Португалецот.

„Како што реков, нема да се променам, без разлика на се. Знам дека можеме да успееме, но треба да го преживееме овој момент. Не сум наивен и знам дека сега треба да преживеам. Ние сме можеби најлошиот тим во историјата на Манчестер Јунајтед. Знам дека сакате наслови, но го велам ова затоа што треба да го признаеме ова и да го промениме“, заклучи Аморим.