Алонсо ќе води тим за паметење – Реал веќе има договор со уште една ѕвезда!

Реал Мадрид создава тим кој во наредните години повторно ќе доминира во шпанскиот и европскиот фудбал. Како тренер е назначен Алонсо, а првиот човек на клубот Флорентино Перез му ги исполнува сите желби.

Член на кралскиот клуб наредното лето ќе стане и репрезентативецот на Франција, Ибрахима Kонате.

26-годишниот дефанзивец веќе има усмен договор со Реал. Потписот ќе следи веќе во јануари следната година, а Ливерпул ќе остане без оштета.

“Планот на Ибрахима Kонате е сосема јасен. Подготвен е да го напушти Ливерпул како слободен играч на крајот од сезоната. Веќе ја одби огромната понуда од клуб од Саудиска Арабија и е во преговори со Реал Мадрид. Му понудија договор до 2031 година”, наведува Николо Шира.

Kонате и ова лето се поврзуваше со Реал. Меѓутоа, до договор со Ливерпул за трансфер не дојде. Црвените му понудија и продолжување на соработката, но Французинот тоа го одби.

Реал според правилата не може ништо официјално да заврши до јануари кога Kонате влегува во последните шест месеци од договорот и кога му е дозволено да преговара со други клубови.

Сепак, изгледа дека во тајност сè завршило уште ова лето и само се чека официјална потврда дека Французинот ќе го облече дресот на кралскиот клуб. Тоа ќе биде уште едно спектакуларно засилување.