Шпанецот Карлос Алкараз денес за прв пат во неговата кариера го освои Австралијан опен. Во големото финале го победи големиот тениски шампион, Новак Ѓоковиќ, во четири сета.
Ова беше седмиот Гренд Слем турнир во кариерата на Алкараз, а прв триумф во Австралија. Покрај тоа, ова беше и првиот пораз на Ѓоковиќ во финале на Австралијан опен.
До кога ќе дишеме отровен воздух!? | Уште еден поткаст
По завршувањето на мечот, Алкараз му се заблагодари на Ѓоковиќ на еден достоинствен начин.
“Најпрво би сакал да кажам нешто на Новак. Зборуваше за тоа како пристигнав овде, за тоа како играв, но ти си мојата инспирација. Постојано, на секој турнир, се даваш максимално, начинот на кој се подготвуваш со твојот тим ме инспирираше и мене да направам исто, и да го покажам сето тоа овде. Навистина сум горд што игравме еден против друг на централниот терен. Ти благодарам за тоа”, рече Алкараз.
Исто така, тој им се заблагодари на сите од својот тим за нивната работа, советите и инспиративните разговори.
“Како што кажа и Новак, и за мене е необично да го видам Рафа (Рафаел Надал, заб. на р.) на трибините, наместо на теренот. Се сеќавам дека ме гледаше и кога бев дете. Голема чест ми е што дојде да ме гледаш денес. Имавме големи дуели и на теренот, и навистина ми е чест што денес беше тука и гледаше како играм”, додаде Алкараз.
Учество во игри на среќа е дозволено за лица со 18+ години. Играј одговорно!