Алисон правеше чуда на голот на Ливерпул, но тоа не беше доволно да добие место во тимот на колото во ЛШ (Фото)

Зад нас е многу возбудлива недела со дуели од осминафиналето на Лигата на шампиони, а на многу избори за тим на колото вниманието го привлекува голманската позиција која имаше неколку силни претенденти.

Некои од екипите направија сериозна предност пред реваншот, додека други остварија минимални, но тешки победи. Тоа се однесува пред сѐ на Барселона и Ливерпул.

Токму голманите на овие два тима ги поделија изборите за најдобри во колото. Според податоците на WhoScored и Sofascore, место во најдобриот тим на колото од Лигата на шампиони нема за неверојатниот Алисон од Ливерпул, кој е апсолутно најзаслужен за тоа што „Црвените“ го победија Пари Сен Жермен во Париз со резултат 1:0.

Пари Сен Жермен напаѓаше во текот на сите 90 минути и имаше неверојатни 10 удари во рамките на голот на Ливерпул. Сите 10 ги одбрани Алисон. Тешко е да се сетиме кога некој толку го надиграл Ливерпул со игра како Пари Сен Жермен вчера, но Алисон сето тоа го затвори и овозможи на Харви Елиот да донесе победа од првата шанса во 87. минута.

Но, покрај совршената претстава на Алисон, за него на многу избори за тим на колото немаше место. Така, WhoScored и Sofascore предизвикаа внимание со тоа што го вклучија Војчех Шчесни меѓу стативите.

Секако, станува збор за уште една спектакуларна партија на голман. Полјакот неодамна заврши со кариерата, но синоќа на Барселона ѝ донесе речиси сам триумф во Лисабон против Бенфика, бидејќи неговиот тим играше со играч помалку повеќе од половина натпревар.