Аjтана Бонмати триумфира со „Златната топка“ трета година по ред

Ѕвездата на Барселона Ајтана Бонмати ја освои „Златната топка“ кај жените трета година по ред.

Таа е првата натпреварувачка кај дамите која го подигнува највредното индивидуално признание во фудбалот по трет пат. 27-годишната Шпанка го заслужи признанието во конкуренција со својата сонародничка Мариона Калдентеј.

Бонмати направи требл на домашната сцена со Барса, а со националниот тим стигна до финалето на Европското првенство, каде што Шпанија загуби од Англија. Бонмати беше на губитничката страна и во финалето на Лигата на шампиони против Арсенал.

„Трета година по ред го освојувам ова признание. Верував дека е возможно да се случи и чувството е неверојатно. Би сакала наградата да ја споделам со моите соиграчки. Годината беше многу посебна. И други можеа да го освојат признанието. Андрес Иниеста е еден од моите идоли и ми е драго што токму тој ме награди“, изјави Бонмати.