Агонијата заврши: Пикси повеќе не е селектор на Србија

Драган Стојковиќ Пикси повеќе не е селектор на Србија, дознава “Телеграф”.

По историскиот дебакл и поразот од Албанија во Лесковац со 1:0 кој ги затвори вратите кон Светското првенство, Стојковиќ повеќе немаше каде.

Навивачите на стадионот “Дубочица” скандираа “Пикси замини”, а Стојковиќ одлучи да им ја исполни желбата и поднесе оставка.

Србија со Стојковиќ на клупата играше на Светското првенство во 2022 и на Европското првенство две години подоцна.

Сепак, во последните месеци Пикси ја загуби довербата на јавноста и неславно го заврши неговиот престој меѓу “орлите”.