Aрсенал го победи Сити, Артета ги изненади навивачите: Размислував за заминување

Aрсенал по подоброто изведување пенали го победи Манчестер Сити и така го освои Комјунити Шилд Купот. Во регуларниот дел беше 1:1, а „топџиите“ подобро се снајдоа со ударите од белата точка.

Така Арсенал славеше против ривалот кој успеа да биде подобар и да ја освои титулата во драматичната завршница на минатата сезона. Микел Артета по победата ги изненади навивачите признавајќи дека размислувал да замине.

„Во првите неколку недели откако Сити стана шампион беше навистина тешко. Прво што морате да направите е да размислите е да се погледнете во огледало и да се запрашате – можете ли нешто да направите подобро? Можете ли клубот да го водите поинаку? Не бев сигурен и размислував“.

„На крајот заклучив дека се уште сум човек кој може да донесе напредок на клубот и затоа се уште сум тука. Сега се чувствувам полн со енергија и позитивност“, изјави шпанскиот стратег.

Во еден момент од минатата сезона, Арсенал имаше и осум бода предност во однос на Сити, но на крајот „граѓаните“ со подобра форма во завршницата ја освоија титулата.