Aнчелоти сака само во еден клуб и тоа НЕ е Милан

После отказот во Баерн Минхен, Карло Анчелоти веројатно нема да води ниту еден клуб до почетокот на следната сезона.

Наводно, единствениот клуб кој Италијанецот е спремен да го превземе оваа сезона е Арсенал, но извесно е дека „топџиите“ нема да му доделат отказ на Арсен Венгер. Французинот е на клупата на Арсенал од 1996 година, поголемиот дел од навивачите бараат негово заминување, но управата на клубот и покрај тоа што не освојува трофеи е задоволна од неговата работа.

Италијанските медиуми пренесуваат дека Анчелоти не е заинтересиран за враќање во Италија, барем не во овој момент. Во Премиер лигата искусниот стручњак го предводеше Челзи со кого стана и шампион Англија.

Анчелоти има блескава тренерска кариера, а за тоа говори податокот дека од 1999 година беше тренер само на европски гиганти (Јувентс, Милан,Челзи, ПСЖ, Реал Мадрид, Баерн Минхен).