НАЈАВА Милан – Рома: Гатузо нема право на кикс, „новата“ Рома на сериозен испит!

Викендов на програмата е третото коло од Серија А кое ќе биде отворено со големото дерби на „Сан Сиро“ помеѓу Милан и Рома.

Двата тима значително се засилија во летниот преоден рок и сигурно ќе бидат конкуренти за пласман во Топ 4. „Росонерите“ до сега одиграа само еден меч и тоа против Наполи. Тимот на Гатузо иако имаше водство од 2:0, сепак на крајот не успеа да освои нути еден бод.

Рома пак после две одиграни кола покажа дека се уште не е во најдобра форма, особено поради фактот што направи многу промени во тимот. Победи на тешкото гостување во Торино со мајсторија на Џеко, но против Аталанта ги покажа своите слабости и се спасуваше од пораз на „Олимпико“.

Чаланоглу се враќа, Игуаин е „клучот“

Ова за Милан ќе биде прв меч пред својата публика, бидејќи натпреварот со Џенова беше одложен. Гатузо не планира да прави големи промени во однос на тимот кој излезе против Наполи, но за овој меч во тимот се враќа Чаланоглу. Кај „росонерите“ оваа сезона се ќе се врти околу Гонзало Игуаин, врвен напаѓач кој му недостасуваше на тимот изминатите сезони.

Игуаин не доби многу употребливи топки на мечот со Наполи, а токму Чаланоглу и Сусо се фудбалерите кои ќе треба да му „сервираат“ топки во последните дваесетина метри каде што Аргентинецот е најопасен. Сепак, и покрај поразот Милан во Неапол покажа дека е организиран тим кој е многу опасен во нападот, па сигурно Гатузо ќе направи се да остане непоразен пред своите фанови.

Многуте промени ја дестабилизираа Рома

Рома во летниот преоден рок донесе голем број на засилувања, но ги продаде најдобрите поединци. Полсе продажбата на Наинголан и Алисон, во последните денови од предониот рок на големи изненадување беше продаден и Стротман. Тоа беа фудбалери кои ја носеа играта на „волчицата“ изминатите години, па на новите засилувања сигурно ќе им биде потебно време за да се вклопат.

Тоа најдобро се виде на мечот против Аталанта каде Рома ги покажа сите свои недосатоци. Пасторе, Нзонзи и Клајверт се фантастични фудбалери, но ќе им биде потребно време за да функционираат како тим со останатите. „Волчицата“ по традиција игра добро на „Сан Сиро“ во последните неколку години, а најсилен адут секако ќе биде Един Џеко, на кого Милан му е омилена „жртва“. Тренерот Ди Франческо за овој меч нема да може да смета на Флоренци и Пероти кои се надвор од тимот поради повреда.

Веројатни состави:

Милан: Донарума, Калабрија, Мусакио, Ромањоли, Родригез, Кеси, Биглија, Бонавентура, Сусо, Чаланоглу, Игуаин.

Рома: Олсен, Коларов, Фацио, Манолас, Калсдорп, Де Роси, Нзонзи, Пасторе, Ел Шарави, Шик, Џеко.

Според букмејкерите треба да се очекува израмнет дуел на „Сан Сиро“. Па така според Coinbet24 коефициентот за победа на Милан изнесува 2.46 за реми 3.30 додека за победа на Рома коефицинетот е 2.90

Предлог тип

Двата тима даваат гол @1.65 во Coinbet24

Повеќе од 2,5 гола @1.79 во Coinbet24