Кејн: „Освојувањето на Златната топка е цел, би било прекрасно“

Хари Кејн отворено зборуваше за својата амбиција да ја освои „Златната топка“, нагласувајќи дека тоа би било прекрасно достигнување во неговата кариера.

„Освојувањето на Златната топка? Тоа е цел, би било прекрасно“, изјави Кејн за „Télé Foot“.

Напаѓачот на Баерн Минхен призна дека конкуренцијата е исклучително силна, посочувајќи неколку големи имиња кои исто така се во трката.

„Има одлични играчи кои се надеваат дека ќе ја освојат: Мбапе, Дембеле, Јамал, Родри, Олисе и уште неколку неверојатни фудбалери“, додаде англискиот репрезентативец.

Кејн смета дека токму неизвесноста ја прави трката за престижната индивидуална награда особено интересна.

„Но, возбудливо е затоа што оваа сезона сè е можно“, порача Кејн.