Во Манчестер сити не сакаат да го чекаат Гвардиола, ќе мора побрзо да одлучи!

Управниот одбор на Манчестер Сити формално побара од менаџерот на тимот, Пеп Гвардиола, да открие дали има намера да остане на чело на “граѓаните” до истекот на својот договор.

Според информациите на „talkSPORT“, раководството на клубот предводено од спортскиот директор Уго Вијана, сè уште не е сигурно во намерите на Гвардиола. Се очекуваше каталонскиот стратег да ги сподели своите планови за време на репрезентативната пауза, но тоа не се случи.

Шефовите на Манчестер Сити сакаат да дознаат во наскоро време дали Гвардиола ќе продолжи со својот ангажман, за да можат соодветно да ја испланираат селекцијата на тимот.

Раководството на клубот од „Етихад“ е отворено за двете можности. Тие се надеваат дека Гвардиола ќе го одработи договорот до 2027 година, но во овој момент не е јасно дали и тој го дели истото мислење.

Just in. 🚨 pic.twitter.com/MFpK1aywIw

— talkSPORT (@talkSPORT) April 1, 2026